أتوبيس الحياة ..

الحياة رحلة ..
وأتوبيس الرحلة بيقف فى محطات كتير .. فى كل مرة .. ناس بتطلع و ناس بتنزل ..

ناس كان نفسك أوى يكملوا معاك الرحلة .. كنت فاكر إن الرحلة مش هتحلى من غيرهم ..

ناس بتفرح أوى لما ينزلوا ..

لكن فى شخص .. أول ما بيركب الأتوبيس .. مبيفرقش معاك الأتوبيس فاضل فيه كام كرسى فاضى .. حتى لو كل الأتوبيس فاضى أصلاً .. إنت بتحس إنه كدا خلاص .. تمام أوى .. الإتوبيس إتملا والرحلة ممكن تبدأ دلوقتى ..

المهم بس إنك متعطلش الأتوبيس فى محطات ملهاش لازمة عشانه .. هو عارف محطته ..